ने. सं. ११४६ तछलाथ्व षष्ठी - सिथि नखः कुमार षष्ठी

अंगरक्षकयात यौन प्रस्ताव तइम्ह सचिव

येँ – सुदूरपश्चिम प्रदेशया उपसभामुख निर्मला बडालया मिसापिं अंगरक्षकतय्त यौन प्रस्ताव तया जुइम्ह स्वकीय सचिव हरिश भट्टयात अन्ततः पदं चीका छ्वःगु दु । उपसभा–मुख मिसाम्ह जूगुलिं वय्कःया अंगरक्षक नं मिसापिं छ्वया तःगु खः । तर उपसभामुखया स्वकीय सचिव भट्टं थ्व अंगरक्षकतय्त गबलें फोनं, गबलें एसएमएसपाखें सन्देश छ्वयाः यौन सम्पर्कया प्रस्ताव तइगु जुयाच्वन ।

वयागु प्रस्ताव खनाः ग्वःम्हमछि अंगरक्षकतय्सं ज्या तकं त्वःता वनेधुंकल । तर न्हू वइम्ह अंगरक्षकयात नं वं अथे हे प्रस्ताव छ्वइगु जुयाच्वन । थ्व खँ पत्रपत्रिकाय् नं पिहां वयेवं भट्टयात चीका छ्वःगु खः ।