तोखाय् बिस्काःया झ्वलय् सांस्कृतिक महोत्सव

येँ- येँया उत्तरी भेगय् लाःगु नेवाः बस्ती तोखाय् वि.सं.या न्हूदँया लसताय् जइगु बिस्काः जात्राया झ्वलय् थुगुसी तोखा सांस्कृतिक महोत्सव जुइ गु जूगु दु । नेवाः गुथि तोखाया ग्वसालय् जुइगु महोत्सवया निंतिं तयारी नं शुरु जूगु दु ।

वइगु बैशाख १ गतेनिसें ४ गतेतक प्यन्हुयंकं जुइगु तोखाया बिस्काःयात छगू तःजिक सांस्कृतिक महोत्सवकथं हनेगु तयारी जुयाच्वंगु गुथिं न्ह्यथंगु दु ।
महोत्सवयात ताःलाकेत व तयारी कथं निंतिं आः नकतिनि छगू सहलह मुँज्या नं जुल ।

महोत्सवया तयारीकथं वडा नं. २ व ३ या वडाअध्यक्षहित तोखाय् सक्रिय जुयाच्वंगु स्थानीय संघसंस्थाया प्रतिनिधिपिं च्वनाः उगु सहलह मुँज्या जूगु खः । उगु इलय् वडा नं. २या वडाअध्यक्ष दिपकराज जोशी व ३ वडाअध्यक्ष सिंहराज श्रेष्ठं ऐतिहासिक व सांस्कृतिक महत्वं जाःगु तोखा नगरया परम्परागत जात्राया बारे अझ अप्वः प्रचार प्रसार यायेगुनापं स्थानीय तजिलजि, संस्कृतिया संरक्षण, संवद्र्धन व प्रवद्धर्न यायेत सकसिनं थःथःगु थासं पूmचाःगु ग्वाहालि यानादीत इनाप यानादिल ।

अथे हे गुथिया सल्लाहकार गणेशमान श्रेष्ठं तोखाया बिस्काः जात्रायात जात्राय् जक सीमित मयासे तोखाया हे गौरव जूगुलिं थ्व जात्रायात छगू सांस्कृतिक महोत्सवया रुपय् हनेमाः धइगु सकल तोखावासीया इच्छा खः धयादिल ।

महोत्सवयात फक्व झःझः धायेकेत नापं सफल रुपं महोत्सव ताःलाकेत सकसिनं थःथःगु थासं पूmचाःगु ग्वाहालि यायेत वय्कलं इनाप यानादिल । ज्याझ्वलय् गुथिया नायः देवराज डंगोलं नं थःगु नुगःखँ तयादीगु उगु सहलह मुँज्यां महोत्सव ताःलाकेया निंतिं तोखाया थीथी खलः, पुचःयात जिम्मेवारी नं बिउगु खः ।

सम्बन्धित बुखँ

LEAVE YOUR COMMENTS