चिनियाँ रक्षामन्त्री छन्हुया लागिं नेपाः वइगु

येँ (नेपालभाषा टाइम्स) – चीनया रक्षामन्त्री लिसें स्टेट काउन्सिलर वेइ फेङही थौं नेपाः थ्यंकः वइगु जूगु दु । वय्कः थौं हे स्वदेश लिहां वनीगु खँ नं सीदुगु दु । नेपाः भ्रमणया झ्वलय् वय्कलं राष्ट्रपति विद्यादेवी भण्डारी, प्रधानमन्त्री केपी शर्मा ओली व प्रधान सेनापति पूर्णचन्द थापायात नाप लाइगु ज्याझ्वः दु । निरन्तर रुपं भारतीय उच्चस्तरीय सरकारी कर्मचारीतय्सं नेपाः भ्रमण यानाच्वंगु इलय् जुइत्यंगु फेबहीया थ्व भ्रमणयात कुटनीतिक ख्यलं अर्थपूर्ण रूपं कयाच्वंगु दु ।