स्वनिगलय् दकलय् ख्वाउँगु न्हि

येँ (नेपालभाषा टाइम्स) – स्वनिगलय् थौं थुगु दँया दकलय् ख्वाउँगु महसुस जुल । जल तथा मौसम विज्ञान विभागया कथं म्हियः येँया न्युनतम तापक्रम ४.५ डिग्री सेल्सियसय् कुहां वःगु खः । थ्व स्वयां न्ह्यः वंगु शुक्रवाः ८.५ डिग्री सेल्सियस तापक्रम मापन याःगु खः । छुं न्हिं न्ह्यवंनिसें पश्चिमी वायुया प्रभावं नेपालय् ख्वाउँगु अप्वया वनाच्वंगु खः । विभागया कथं म्हिगः अधिकतम तापक्रम १८.५ डिग्री सेल्सियस कायम जूगु खः । थ्वहे इलय् स्वनिगलय् वर्षा समेत जुइ फइगु अनुमान नं विभागं याःगु दु ।