स्यस्यः समाज यलया साधारणसभा

येँ – स्यस्यः समाज यलया स्वक्वःगु साधारणसभा शनिवाः क्वचाल । समाजया अध्यक्ष उत्तमलाल श्रेष्ठं सभाया उलेज्या यानादिसें संगठनात्मक संरचनाया विकास यानाः भाय्, साहित्य, कला, संस्कृति, सम्पदा, परम्परागत रितिरिवाज संरक्षण व सम्वद्र्धन यायेगु ज्या समाज न्ह्याः वनीगु खँ कनादिल ।समाजया सदस्य विजयनाथ जोशीं संस्थायात आर्थिक रुपं सबल यायेत संस्थां आयमूलक ज्याय् नं बः बिउगु खँ कनादिल । अथेहे समाजया दुजः न्हुछेबहादुर नेम्कुलं दुजःतय् हितया निंतिं समाजं याःगु ज्या बारे जानकारी बियादिल ।केन्द्रीय प्रतिनिधि नरसिंहलाल चखुं नं समाजया दुजःतय् वैयक्तिक विकसाया निंतिं परिमाणमुखि व व्यवहारमुखी कार्यक्षेत्रयात ज्वनाः न्ह्याः वनेमाःगु बिचाः प्वंकादिल । ज्याझ्वलय् उपाध्यक्ष किरणमान प्रधान, इलाका सदस्य डा. किरणराज जोशी, रामसुन्दर हाडा, हरिहर मंगल जोशी व विश्वभक्त मल्लपिंसं समाजया गतिविधि बारे थःथःपिनिगु बिचाः तयादीगु खः ।