साहित्य मन्दिरं रोशनकुमार लुमंकल

ख्वप(नेपालभाषा टाइम्स)- नेपाल साहित्य मन्दिरं जनकवि, साहित्यकार रोशनकुमार राजभण्डारीयात लुमंकल । साहित्य मन्दिरया न्वकु तकं जुयादीम्ह साहित्यकार राजभण्डारी मदुगु लत्याया पुण्य तिथिइ लाकाः विचाः मुँज्या यासें वय्कःयात लुमंकूगु खः ।

साहित्य मन्दिरया नाय अगिब बनेपालीया सभापतित्वय् जूु ज्याध्वलय् मूपाहांया थासं साहित्य मन्दिरया पुलांम्ह नायःवरिष्ठ साहित्यकार तिलकप्रकाश कायस्थं मदुम्ह साहित्यकार राजभण्डारी छम्ह खुल्ला सफू जूगु खँ कनादिसें वय्कःया दकिलाया पुण्य तिथिइ लाकाः छगू लुमन्ति ग्रन्थ पिथनेगु घोषणा यानादिल ।

साहित्य मन्दिरया पुलांम्ह छ्याञ्जे माणिकबाबु ग्वंगलं लसकुस यानादीगु विचाः मुँज्याय् मदुम्ह राजभण्डारीया छेँजःपाखें पूर्णशोभा रिसालं नुगःखँ तयादीगु खः ।

ज्याझ्वलय् विराट नेपालभाषा साहित्य सम्मेलन गुथिया नायः महेन्द्रगोपाल कर्माचार्य, याताजःया कृष्णभक्त बोडे, नेवाः जागरण मञ्चया नायः ओमचरण अमात्य, भक्तपुर साहित्यिक समाजया नायः राजुराम मुनकःमि, श्रष्टा अभियानया ध्रुव मधिकःमि, मध्यपुर थिमिपाखें वसन्त नकःमिपिंसं मदुम्ह साहित्यर राजभण्डारीया थीथी पक्षयात कयाः नुगःखँ तयादीगु खः ।