‘शंखधर’ नांयात विरोध

येँ (नेपालभाषा टाइम्स) – वैधानिक रुपं राजतन्त्र त्याग यायेधुंकूगु राप्रपां आः वयाः हानं राजतन्त्रप्रतिया मोह क्यना हःगु दु । निरंकुश पञ्चायती व्यवस्थाया प्रवर्तक जुजु महेन्द्रया कलाः रत्न राज्यलक्ष्मीया नामं तयातःगु रत्नपार्कया नां हिलाः ‘शंखधर उद्यान’ तःगु खँय् आपत्ति क्यँसें राप्रपाया स्वम्हं अध्यक्षतय्सं विरोध प्वंकूगु दु । राप्रपा अध्यक्षपिं पशुपति शमशेर जबरा, डा. प्रकाशचन्द्र लोहनी व कमल थापां थन छगू मंकाः विज्ञप्ति पिकासें जुजु महेन्द्रया कलाःया नामं तयातःगु पार्कया नां हिलेगु ज्यां इतिहास हुइगु कुतः जुल धासें रत्नपार्कया नां कायम हे यानाः शंखधरया लागिं मेगु हे संरचना दयेकत इनाप याःगु दु । रत्नपार्कया नां हिलाः शंखधर उद्यान तयेगु ज्या धाःसा येँ मनपां याःगु मखुसें थनिं स्वदँ न्ह्यः संघीय सरकारं हे याःगु खः । अन मनपां शंखधर साख्वाःया झ्वाता जक तःगु खः ।

सम्बन्धित बुखँ

LEAVE YOUR COMMENTS