बुरांज्याया म्येँचाः पिदन

ख्वप (नेपालभाषा टाइम्स) – नेपाल संवत् ११४१ न्हूदँया लसताय् भिंतुना कालबिल नापं तुच्चा ज्याझ्वःया दथुइ सामाज्याया इलय् हालीगु बुरांज्या सांस्कृतिम म्येँया म्येँचाः पितब्वज्या जुल । नेपाल मजदुर किसान पार्टीया केन्द्रीय दुजःनापं चाँगुनारायण नगरपालिकाया मेयर सोमप्रसाद मिश्रं उगु म्येँचाः पितब्वज्या यानादीगु खः ।

ज्याझ्वलय् नवासें वय्कलं नेवाः संस्कृति देय्या हे दकलय् च्वन्ह्याःगु संस्कृति खः धासें नेवाः संस्कृतिया उत्थान, विकास व प्रगति मजूतले नेपाःया आदिवासी जनजातिया सांस्कृतिक प्रगति जुइमखु धयादिल । म्येँया निर्देशकलिसें पत्रकार कृष्ण प्रजापतिं सांस्कृतिक अतिक्रमणं बचे जुइत मौलिक चीजया प्रवद्र्धन यायेकथं थीथी गतिविधिइ ब्वति कयाच्वनेमाः धयादिल । प्रोटेक्सन ग्रुपया ग्वसालय् स्थानीय समाजसेवी भीमबहादुर माकःया सभापतित्वय् उगु ज्याझ्वः जूगु खः ।

सम्बन्धित बुखँ

LEAVE YOUR COMMENTS