स्वनिगलय् न्हिनय् हे ट्राफिक चेकिङ

येँ (नेपालभाषा टाइम्स) – स्वन्ति नखःया झ्वलय् जुइ फइगु सवारी दुर्घटना म्हो यायेत महानगरीय ट्राफिक प्रहरीं चेकिङ कडाई याःगु दु ।  स्वन्तिया झ्वलय् मादक पदार्थ सेवन यानाः सवारी चले याये फइगु आशंकाय् ट्राफिक प्रहरीं न्हिनय् हे मापसे चेकिङया ज्या न्ह्याकूगु खः । ट्राफिक प्रहरीया कथं नखःचखः धकाः अय्लाः त्वनाः गाडी चले यायेफुगु जुयाः उकियात पनेत ट्राफिक प्रहरीयात सक्रिय यायेमाःगु खः । स्वनिगलय् मोहनि व स्वन्ति नखःया सुरक्षा योजनाया निंतिं जक ७४९ म्ह जनशक्ति थप याःगु खः । उकथं हे थीथी थासय् चेकिङ यायेगु क्रम नं अप्वयेकूगु खः । उकथं हे बस व टिकट काउन्टरय् जुइगु ठगी पनेगु निंतिं नं सादा पोसाकय् प्रहरी परिचालन याःगु दु ।

सम्बन्धित बुखँ

LEAVE YOUR COMMENTS