न्हूदँया लसताय् थौं मंकाः भिंतुना सभा
येँ – नेपाल संवत् ११४१ न्हूदँया लसताय् थौं मंकाः कथं भर्चुअल भिंतुना सभा जुइत्यंगु दु । संस्कृतिविद् काशिनाथ तमोमया मूपाहाँसुइ न्हिनय् २ बजे थिमि ब्यांक्वेटय् सभा जुइत्यंगु खः ।
सभा नेवाः देय् दबू, नेपालभाषा मंकाः खल, नेपालभाषा मंकाः खल यल, शंखधर साख्वाः राष्ट्रिय प्रतिष्ठान, नेपाल संवत् न्हूदँ राष्ट्रिय समारोह समिति ११४१ व न्हूदँ समारोह समिति यल ११४१या मंकाः ग्वसालय् जुइत्यंगु खः । कोरोना महामारीया कारणं थुगु सभा व र्याली मजुइगुलिं भर्चुअल ज्याझ्वःपाखें मंकाः सभा यायेत्यंगु खँ ग्वसाः खलकं धाःगु दु ।
नेपाल संवतयात आन्दोलन कथं हनेमाःगु सन्देश बीगु कथं मंकाः भर्चुअल भिंतुना सभाय् नेपाल संवत् आन्दोलनया विविध पक्षयात कयाः वक्तातय्सं थःगु नुगः खँ तइगु ग्वसाः दु । भर्चुअल सभा थीथी सामाजिक संजालपाखें प्रत्यक्ष प्रसारण जुइगु खँ धाःगु दु ।
LEAVE YOUR COMMENTS