
येँ (नेपालभाषा टाइम्स)- येँया जिल्ला प्रशासन ज्याकुथिं बन्द यानातःगु नागरिकता बीगु ज्या वइगु मंसिर ३ गते निसें शुरु याइगु जूगु दु । कोरोना महामारी अप्वया वंगु व ज्याकूया कर्मचारी तकं संक्रमण जुइवं वंगु असोज २५ गते निसें अत्यावश्यक सेवा बाहेक मेगु फुक्कं सेवा बन्द यानातःगु खः । प्रशासन ज्याकुथिं म्हिगः छगू सुचं पिकासें न्हू नागरिकता, नागरिकताया प्रतिलिपि, नावालिग परिचयपत्र, राहदानी, हतियार दर्ता व नवीकरण थेंज्याःगु सेवा मंसिर ३ गते निसें चायेकेगु जानकारी बिउगु खः । ज्याकू चायेधुंकाः नं ज्याकुथिं स्थानीय तह कथं निश्चित बारय् जक सेवा बीगु खँ धाःगु दु ।
LEAVE YOUR COMMENTS