ने. सं. ११४६ बछलागा चौथी -

मेयरयात संसदीय समितिं सःतल

येँ (नेपालभाषा टाइम्स) – प्रतिनिधिसभाया उद्योग तथा वाणिज्य व श्रम तथा उपभोक्ता हित समितिं तिनिख्यलय् जा मनकेत निर्देशन बिउगु बारे येँ महानगरपालिकाया मेयर विद्यासुन्दर शाक्ययात न्यनेकने याइगु जूगु दु । समितिया सभापति विमलप्रसाद मिश्रां थुकिया जानकारी बियादीगु खः । थ्व खँयात कयाः वइगु सोमवाः वा मंगलवाः सहलह जुइफइगु खँ सभापति मिश्रां कनादीगु दु । वय्कःया कथं सहलहया झ्वलय् स्वनिगःया मेयर फोरमया प्रतिनिधिपिंत नं सःतेगु कथं तयारी जुयाच्वंगु दु । वंगु बुधवाः मेयर शाक्यं छगू पत्रकार सम्मेलन यासें खुल्ला मञ्चय् जा नकेगु पलेसा पार्टी प्यालेसय् ज्या नकेगु व्यवस्था यायेत अभियन्तापिंत इनाप यासें बरु पार्टी प्यालेसय् तुइगु खर्च महानगरपालिकां व्यहोरे यायेगु प्रतिबद्धता प्वंकादीगु खः ।