येँय् कोरोनां सीपिं १४७ थ्यन

येँ (नेपालभाषा टाइम्स) – येँ महानगरपालिका सहरी स्वास्थ्य महाशाखायाकथं वंगु कात्तिक १३ गतेतकया दुने कोरोना संक्रमणं सीपिं येँय् जक १४७ म्ह थ्यंगु दु । थुकीमध्ये दकलय् अप्वः येँ मनपा वडा नं. १४ य् १२ म्ह सीगु दुसा अनंलि वडा नं. १५ य् १० म्ह सीगु दु । महाशाखां बिउगु जानकारीकथं येँ महानगर दुनेया २४ वडा छगू बाहेकं दक्वं वडाय् कोरोना संक्रमित सीगु दु । येँ महानगरपालिकाय् जक आतकया दुने थ्यंमथ्यं नीप्यद्वलं मल्याक संक्रमित दयेधुंकूगु दुसा उकीमध्ये च्याद्वःत्याया ल्याखय् सक्रिय संक्रमित दुगु महाशाखां जानकारी बिउगु दु । अथे हे येँ मनपाया ३,९, १०, १३, १४, १६, ३१ व ३२ वडाय् द्वःछि स्वयां अप्वः संक्रमित थ्यनेधुंकूगु दु ।