कोरोनां कयाः पुलांम्ह सभासद मंत

येँ (नेपालभाषा टाइम्स) – संविधानसभाया पुलांम्ह सभासद मानपुर चौधरी कोरोना संक्रमित जुयाः म्हिगः मन्त । वि.सं. २०७० सालया निक्वःगु संविधानसभाय् तत्कालीन माओवादीपाखें निर्वाचित सप्तरीया सांसद भाजु चौधरी म्हिगः धरानस्थित वीपी कोइराला स्वास्थ्य विज्ञान प्रतिष्ठानय् वासः याकु याकुं मदुगु खः ।

वय्कः ५५ दँ दुम्ह खः । वय्कः मदुगु दुःखय् नेकपाया अध्यक्ष पुष्पकमल दाहालं श्रद्धांजली प्वंकादीगु दु। मेखे मंगलवाः न्हिछिया दुने कोरोना संक्रमणया कारणं झिंप्यम्हेसिया ज्यान वंगु दु । अथेहे मंगलवाः न्हिछिया दुने ५७० म्हेसिके कोरोना संक्रमण पुष्टि जूगु दु। मोहनिया झ्वलय् म्हो जक स्वाब परीक्षण जूगुलिं यानाः संक्रमिततय् ल्याः नं म्हो जक वःगु खँ धाःगु दु ।

सम्बन्धित बुखँ

LEAVE YOUR COMMENTS