थप ३३४म्हेसित कोरोना, संक्रमितत २६३४म्ह थ्यन

येँ – नेपालय् थप ३ सय ३४म्हेसित कोरोना भाइरसया संक्रमण जूगु दु । स्वास्थ्य तथा जनसंख्या मन्त्रालयं थप ३ सय ३४म्ह मजिं व १५म्ह मिसातय्त संक्रमण जूगु पुष्टि याःगु दु ।

येँया राष्ट्रिय जनस्वास्थ्य प्रयोगशालाय् याःगु परीक्षणय् बाराया ५म्ह, धनुषाया ६म्ह, कपिलवस्तुया १२म्ह, महोत्तरीया ३म्ह, रौतहटया ६४म्ह व सर्लाहीया ३म्ह नापं ९३म्हेसित संक्रमण खनेदुगु खः । अथेहे देय्या थीथी जिल्लाया प्रयोगशालाय् याःगु परीक्षणय् थप २ सय ४१म्हेसित संक्रमण खनेदुगु खः ।

थ्व नापं नेपालय् संक्रमिततय् ल्याः २ हजार ६ सय ३४म्ह थ्यंगु दु । उकी मध्ये २ हजार ४ सय ५०म्ह मिजंत खःसा १ सय ८४म्ह मिसात खः । उकी मध्ये दकलय् अप्व संक्रमण प्रदेश नम्बर २लय् खनेदुगु दु । प्रदेश नम्बर २ललय् ९ सय ६३म्हेसित संक्रमण जूगु दु । अथेहे प्रदेश नम्बर ५य् ८ सय ९८म्हेसित संक्रमण जूगु दु ।