३५०० गू अक्सिजन बेड थप याइगु

येँ (नेपालभाषा टाइम्स) – कोरोना संक्रमितत अप्वया वयेवं सरकारं देय्न्यंकं ३५०० गू अक्सिजन बेड (हाइ डिपेन्डेन्सी युनिट, एचडीयु) थप याइगु जूगु दु। थुकिया निंतिं स्वास्थ्य मन्त्रालयं अस्पताल छनोट यानाः ४ अर्ब २५ करोड दां निकासा नं याःगु दु। आः थप यायेत्यंगु बेड मध्ये स्वनिगलय् ११२५ गू बेड थप जुइ ।

स्वनिगःया त्रिवि शिक्षण अस्पताल, पाटन र वीर अस्पतालमा १००-१०० अक्सिजन वेड थप याइ । अथेहे परोपकार प्रसुति तथा स्त्रीरोग अस्पताल, नेपाल पुलिस अस्पताल, कीर्तिपुर आयुर्वेद अनुसन्धान केन्द्र, दहचोक अस्पताल, निजामती अस्पताल, वीरेन्द्र अस्पताल व सशस्त्र प्रहरी अस्पतालय् ५०-५० एचडीयू थप याइ ।

नेपाल मेडिकल कलेज शिक्षण अस्पताल, काठमाडौं मेडिकल कलेज शिक्षण अस्पताल, किस्ट अस्पताल, कान्ति अस्पताल, नरदेवी अस्पताल, मानसिक अस्पताल, मनमोहन कार्डियोभास्कुलर एन्ड ट्रान्सप्लान्ट सेन्टर, मानव अंग प्रत्यारोपण केन्द्र, गंगालाल हृदयरोग केन्द्र, चापागाउँ अस्पताल, भक्तपुर नगरपालिका अस्पताल, भक्तपुर अस्पताल, सुमेरु अस्पताल, नेपाल कोरिया मैत्री अस्पताल, मेडिसिटी अस्पताल, ह्याम्स अस्पताल, ग्राण्डी अस्पताल, अल्का अस्पतालय् २५-२५ गू बेड थप याइगु जूगु दु ।