राजेन्द्र खड्गीयात प्रहरी छानबिन

येँ- कलाकार राजेन्द्र खड्गीयात प्रहरीं अनुसन्धान यानाच्वंगु खँ सीदुगु दु । खड्गीयात गैरकानुनी रुपं मनूतय्त दक्षिण कोरिया छ्वःगु द्वपं लाःगु खः । खड्गी सहित सांस्कृतिक ज्याझ्वः क्यनेत दक्षिण कोरिया वंपिं झिंछम्ह मनूत अन हे थाःगु खँय् थ्व छानबिन जूगु खः । ‘नेपालभाषा टाइम्सं’ खड्गीयाके न्यनेकने यानाबलय् वय्कलं उपिं भिसा ल्यं दनिगु जुयाः छुं ई च्वनाः लिहां वइगु दावी यासें यदि मवल धाःसा थम्हं हे कोरियन दूतावासय् वनाः उमित लित हयेगु निवेदन बीगु जुइ धयादिल ।