फ्रान्सय् न्हूगु बौद्ध चैत्यया थापना

येँ(नेपालभाषा टाइम्स)- तीव्र रुपं बौद्ध धर्मया प्रभाव न्यना वनाच्वंगु युरोपेली राष्ट्र फ्रान्सय् न्हूगु बौद्ध चैत्यया थापना याःगु दु । फ्रान्सया ल्यान्ड्रेभी धइगु थासय् च्वंग सुखावति क्यबय् न्हूगु बौद्ध चैत्यया थापना याःगु खः ।

बोधिवृक्षया क्वसं भगवान तथागतं बुद्धत्व प्राप्त याःगु प्रतीकया रुपय् दुगु ल्यान्ड्रेभीया सुखावति क्यबय् धर्म चैत्य थापना याःगु खः। चैत्य थापनालिसें १७ म्हम्ह कर्मापा ग्याल्वापाखें अभिषेक यानाः चैत्यया उलेज्या नं याःगु खः ।

फ्रान्सया ल्यान्ड्रेभीया क्यबय् दुगु आपालं चैत्य, बुद्ध मर्ति नेपाःमितय्सं हे दयेकूगु खः । उगु इलय् युरोप सेन्टरया भ्रमण नं यानादीम्ह कर्मापा ग्याल्वां अनया वासिन्दा व स्वयंसेवकयात दर्शन भेट नं बिउगु खः ।

युरोपेली राष्ट्र फ्रान्सय् लिपांगु इलय् तीव्र रुपं बौद्ध धर्म न्यना वनाच्वंगु दु । थन बौद्ध धर्मया स्वंगुलिं यान थेरवाद, महायान व वज्रयान लगायत बौद्ध धर्म व सम्प्रदायत दु ।

ल्यान्ड्रेभी सुखावति क्यबय् बौद्ध चैत्य निर्माण व युरोपय् बौद्ध धर्म प्रवद्र्धन यायेगु ज्या फ्रान्सया धाग्पो काग्यु लिंगलं याना वयाच्वंगु दु ।

सम्बन्धित बुखँ

LEAVE YOUR COMMENTS