मोहनिबलय् बैंक मचालीगु

येँ (नेपालभाषा टाइम्स) – कोरोना भाइरस संक्रमणयात ध्यानय् तयाः बैंकतय् मोहनि बिदाबलय् थःपिनिगु छुं नं शाखा मचायेकीगु जूगु दु । थ्वयां न्ह्यः न्हापा न्हापा जूसा मोहनि बिदाबलय् नं थाय् स्वयां छगू निगू शाखा चायेकेगु याना वयाच्वंगु दु ।

नेपाल बैंकर्स संघं सीमित शाखा चायेकाः बैंकिङ सेवा बीबलय् कोरोना संक्रमण जुइगु जोखिम अप्वइगु सम्भावना दुगुलिं चा हे मचायेकेगु निर्णय याःगु खः । संघया अध्यक्ष अनिल शर्मां सरकार तोके यानातःगु कात्तिक ७ गते निसें ११ गते तकया बिदाया न्यान्हु छुं नं बैंकया शाखा तकं मचालीगु खँ धयादीगु दु ।

‘मोहनिया बिदाबलय् सीमित शाखा जक चयोके बलय् तसकं हुलमुल जुइ, थुकिं संक्रमणया खतरा झन अप्वयको बी, उकिं न्यान्हु बन्द यायेगु हे बांलाइगु जूगुलिं बन्द यायेगु हे क्वःछिउगु खः’ वय्कलं धयादीगु दु ।

सम्बन्धित बुखँ

LEAVE YOUR COMMENTS