राजोपाध्याय समाजया न्हूम्ह नायः संजय

यल (नेपालभाषा टाइम्स) – स्वनिगःया आदिवासी द्यःब्रम्हू राजोपाध्यायतय् कुसा संगठन राजोपाध्याय समाजया न्हूम्ह नायकय् कलाकार संजय शर्मा राजोपाध्याययात ल्यःगु दु। वंगु शन्चरबाः क्वचाःगु समाजया न्हय्क्वः गु दँमुँज्या व स्वक्वःगु तःमुँज्यां वय्कःयात समाजया न्हूम्ह नायकय्नि र्विरोध ल्यःगु खः ।

व हे कथं स्वक्वःगु तःमुँज्यां ल्यःगु न्हूगु ज्यासना पुचलय् न्वकू रचना शर्मा राजोपाध्याय च्वनादीगु दुसा मू छ्यान्जेय् पत्रकार बिराजकाजी राजोपाध्याययात ल्यःगु दु। व हे कथं छ्यान्जेय् वन्दना राजोपाध्याय, दांभरिं उद्धव आचार्य राजोपाध्याय, ल्यू दांभरिंलय् चेतनादेवी शर्मा राजोपाध्याय च्वनादीगु दु। १३म्ह दुजः दुथ्याःगु ज्यासना पुचःया मू दुजः पदय् विजय शर्मा राजोपाध्याय, विरु सुवेदी राजोपाध्याय, सुजित राजोपाध्याय, श्रीमणी राज शर्मा राजोपाध्याय, रक्षण राजोपाध्याय, महेश बाबु शर्मा राजोपाध्याय व गिरिश शर्मा राजोपाध्याय दी ।

उगु हे ज्याझ्वलय् संक्रमणया जोखिमय् अग्रपंक्तिइ दनाः विरामीया वासः यायेगुलिइ खटे जुयाच्वंपिं राजोपाध्याय चिकित्सक, स्वास्थ्यकर्मीतय्स म्मानय् म्येया भिडियो नं क्यंगु खः । अमरराज शर्मां च्वयाः लय् तयादीगु लिसें अमरराज व रत्नशोभा महर्जनं हालादीगु उगु म्येया भिडियोय्सं क्रमणया अवस्था क्यनेगु लिसें वासः यायेगुलिइ खटे जुयाच्वंपिं राजोपाध्याय स्वास्थ्यकर्मी व चिकित्सकपिनिगु किपा दुथ्याकातःगु खः । लिसें महामारीया अवस्थाय् भौतिक रुपं उपस्थित याकाः सम्मान यायेमखंगु धासें थुगुसी एसईई पास जूपिं राजोपाध्याय विद्यार्थीपिनिगु सम्मान कथं विद्यार्थीतय् किपा ब्वयाः नां घोषणा याःगु खः ।

सम्बन्धित बुखँ

LEAVE YOUR COMMENTS