‘आः येँय् थप ट्याक्सी म्वाःल’

येँ – येँ मनपाया मेयर विद्यासुन्दर शाक्यं तःभुखाचं पीडिततय्त सरकारं बीत्यंगु १५०० गः ट्याक्सी येँय् चले मयायेत थःपिंसं लबिङ यानागु खँ कनादीगु दु । यदि थ्व ट्याक्सी येँय् चले यात धाःसा उकिया लागिं पार्किङ मगात धासें हानं स्थानीय जनताया छेँ थुनेगु ज्या याइ धासें थःपिंसं आः येँय् ट्याक्सी थपे यायेम्वाःगु खँ कनादिल ।

येँ मनपा वातावरण विभागं म्हीग याःगु ‘फोहोरमेला व पर्यावरणया हिउपाः’ विषयक गोष्ठीइ न्ववासें वय्कलं थ्व कनादीगु खः ।

ज्याझ्वलय् थ्व विषयय् ज्यापौ न्ह्यब्वसें पर्यावरणविद् भूषण तुलाधरं स्वनिगः दुने थानकोटया लँपु जुयाः पश्चिमी फय् दुहां वइगु जुयाः उगु लागाय् अप्वयाच्वंगु अप्पा भट्टाया धू व कुँ स्वनिगलय् दुहां वयाच्वंगु खँ नं कनादिल ।
ज्याझ्वलय् उपेमयर हरिप्रभा खड्गी लिसें मेपिं विज्ञपिंसं नं न्ववानादीगु खः ।

सम्बन्धित बुखँ

LEAVE YOUR COMMENTS