झिम्हेसित मेयरर्स रिसर्च फेलोसिप

येँ (नेपालभाषा टाइम्स) – येँ महानगरपालिकां थीथी विधाय् अध्ययन अनुसन्धान यायेगु निंतिं झिम्हेसित मेयरसर्उ रिसर्च फलोसिप लःल्हाःगु दु। येँ महानगरपालिकाया शहरी योजना आयोगं नीति दयेकेगु तहं निसें हे अनुसन्धानया संस्कृति दयेकेगु ताःतयाः थ्व फलोसिप बीगु सुरु याःगु खः ।

अनुसन्धानया निंतिं म्हतिं १ लाख ५० हजार तका लःल्हायेगु कथं सम्झौता यानाः प्रतीक खनाल, कृति प्रधान, सुरज गौतम, राजीव पोखरेल, सम्राट बस्याल, नवीनराज जोशी, कृपा सिग्देल, मनिषमान श्रेष्ठ, रविन्द्र के सुवाल व गोपी कृष्ण ढुंगानायात थ्व फेलासिप लःल्हाःगु खः । थुगुसी फेलोसिपया निंतिं येँ मनपा दुनेया स्कूलय् गैरसंक्रामक ल्वय् सम्बन्धी जोखिम व स्वास्थ्य जीवन शैली सम्बन्धी नीति अध्ययन, लँजुवाःतय् कारणं स्थानीय अर्थतन्त्र व जीवकाय्लाःगु प्रभाव, ठेमल क्षेत्रया अध्ययन, स्वनिगःया जोखिम न्यूनिकरण्ढा यायेत पूर्वाधार म्यापिब सम्बन्धी अध्ययन, स्वनिगःया वायु गुणस्तर, वायु प्रदूषण संयन्त्रण विश्लेषण अध्ययन, येँया सामुदायिक विद्यालयया मिसापिं प्रधानाध्यापकतय् अनुवया मात्रात्मक अध्ययन छनोटय् लाःगु दु ।

अथेहे न्हापांगु चरणय् विश्व जलवायु परिवर्तनया प्रभाव न्यूनीकरणया लागि स्वनिगःया रिङरोड क्षेत्रया बायोमास व कार्बोन स्टक सम्भाव्यता वृक्षारोपण सम्बन्धी अध्ययन, येँया ज्येष्ठ नागरिकतय् जीवनया गुणस्तरसम्बन्धी कानून, नीति व प्रमाणसम्बन्धी अध्ययन, येँ मनपाया दुनेया नेवाः समुदायय् दुगु गरिबी व सम्भावित निवारण पद्धति सम्बन्धी अध्ययन, येँ विकास व्यवस्थापन (योजना तर्जुमा निसें कार्यान्वयनतक) य् सञ्चारया भूमिका व प्रभावकारिता बार अध्ययन अनुसन्धान छनोटय् लाःगु दु ।