ने. सं. ११४६ बछलागा चौथी -

विरोध खतिवडायात आक्रमण

येँ (नेपालभाषा टाइम्स)- मकवानपुर क्षेत्र नं. २ या उम्मेदवार लिसें नेकपा (एकिकृत समाजवादी) पार्टीया नेता विरोध खतिवडायात ल्हाः वाःगु दु । मकवानपुरया मनहरी गाउँपालिका–४ मसिनेय् चुनावी सभाय् वनाच्वंगु इलय् नेता खतिवडायात आक्रमण याःगु खः ।

ज्याझ्वः जुयाच्वंगु थासय् थ्यंकाः गाडीं कुहां वयाच्वंगु इलय् खतिवडायात आक्रमण याःगु खः । उगु इलय् वय्कःयात पुरुषोत्तम खड्का नांयाम्ह मनुखं हातपात याःगु खँ धाःगु दु । खड्कायात प्रहरीं ज्वनाः उगु आक्रमणबारे अनुसन्धान न्ह्याकूगु दु । प्रारम्भिक अनुसन्धानय् खड्कां अय्लाः त्वनातःगु व पुलांगु रिसइबी दुगु जुयाः आक्रमण याःगु खँ धाःगु दु ।