जग्गा कारोवारीया हत्याय् संलग्न स्वम्ह ज्वन

ख्वप (नेपालभाषा टाइम्स) – चाँगुनारायण नगरपाकिलाय् च्वंम्ह जग्गा कारोवारी चन्द्रबहादुर योञ्जन (लामा)या हत्याय् संलग्न स्वम्हेसित प्रहरीं ज्वंगु दु। वंगु छुं दिं न्ह्यः जग्गा स्वयेगु धकाः यंकाः लामाया हत्या याःगु खः । हत्याय् संलग्न जूगु धासें सिन्धुपाल्चोकया बाह्रबिसे नगरपालिका-२ या कामी लामा, सिन्धुपाल्चोकया हे चौतारा बतासे नगरपालिका २ या रमेश तामाब (ज्वाला तामाब) व रामेछाप धोवी गाउँपाािलका ५ याा प्रेम तामाबयात प्रहरीं ज्वनाः सार्वजनिक याःगु खः ।

वंगु असोज २१ गते सनिलय् लामाया छेँय् संचालन जुयाच्वंगु पसलय् वनाः इमिसं मादक पदार्थ सेवन यानाः लामायात जग्गा स्वःवनेगु काः ब्वना यंकूगु खः । लामाया छेँय् नं करिब १ किलोमीटर तापाक च्वंगु विदोल फाँटय् यंकाः वयात दाये फक्व दायाः वयाके दुगु ध्यबालिसें लुँया ब्रासलेट व मोबाइल नं लुटे याना यंकूगु खः । बुँइ घाःपाः जुयाच्वंम्ह लामायात वासः यायेत ग्रीनसिटी अस्पताल यंकूगु इलय् अन हे मदुगु खः ।

अभद्र व्यवहार याःम्ह ज्वन
मादक पदार्थ सेवन यानाः डिउटीइ खटे जुयाच्वंम्ह प्रहरीयात अभद्र व्यवहार याःम्ह छम्हेसित प्रहरीं ज्वंगु दु । थनया ख्वप नगरपालिका वडा नं. ९ ब्रम्हायणीइ डिउटीइ खटे जुयाच्वंम्ह प्रहरीयात मादक पदार्थ सेवन यानाः अभद्र व्यवहार याःम्ह झापाया विक्रम लिम्बुयात प्रहरीं ज्वंगु खः । यलया लामाटारय् च्वना वयाच्वंम्ह लिम्बुलिसें वं प्रयोग याना वयाच्वंगु बा ८७ प ३९७२ नम्बरया मोटरसाइकललिसें वयात ज्वंगु खः । प्रहरीं थ्व सम्बन्धय् थप अनुन्धान यानाच्वंगु दु ।

सम्बन्धित बुखँ

LEAVE YOUR COMMENTS