विप्लवया कार्यकर्ता मात्तुमालेगु शुरु

येँ – नेकपा विप्लवया कारणं असुरक्षा अप्वया वनाच्वंगुलिं सुरक्षा निकायं विप्लवया कार्यकर्तातय्त आः मालेगु ज्या तीव्र रुपं न्ह्याका हःगु दु ।
विप्लवया कार्यकर्तापाखें यलया एनसेल ज्याकू, येँया म्यानपावर व्यवसायी रोहन गुरुङया छेँय् बम मुइकेगु व येँया कलंकीइ बम तःगु घटना लिपा सुरक्षा निकायं विप्लवया कार्यकर्तातय्त आः ज्वनेगु लागिं मालेज्या तीव्र रुपं न्ह्याकूगु खः ।

अथेहे देय्न्यंकं विप्लवया नेता कार्यकर्ता ज्वनेगु कथं सुरक्षा निकायं थःगु अभियान न्ह्याकाच्वंगु दु । तर विप्लवया बारे सरकारपाखें ठोस निर्णय मवःगुलिं सुरक्षा निकाय अलमलय् लानाच्वंगु खँ सूत्रं धाःगु दु ।

सुरक्षा निकायं विप्लव नेतृत्वया नेकपां हतियार ज्वनाः सुरक्षा निकायलिसें ल्वायेगु अवस्था मदुसां नं समाजय् अशान्ति न्यंका तयेत धाःसा सफल जुइगु विश्लेषण यानाः उकिया जानकारी गृहमन्त्री थापायात बीधुंकूगु दु ।

लिसें थापाया विप्लवया बारे याकनं ठोस निर्णय यायेत नं सुझाव बिउगु खँ सूत्रं धाःगु दु ।विप्लवया कार्यकर्तायाके आधुनिक हतियार नं दुगु व थीथी थासय् सैन्य शिविर नं चले यानाच्वंगुलिं थ्व देय्या निंतिं खतरा जुइफइगु विश्लेषण नं सुरक्षा निकायं याःगु खँ सूत्रं धाःगु दु ।

सम्बन्धित बुखँ

LEAVE YOUR COMMENTS