पशुपति प्रदेश जुइमाः मधया – सांसद वैद्य

येँ – ३ नम्बर प्रदेशय् येँनं त्याःम्ह नेपाली कांग्रेसया सांसद नरोत्तम वैद्यं थम्हं थ्व प्रदेशया नां ‘पशुपति प्रदेश’तयेमाः धकाः गबलें गनं हे मधयागु खँ कनादीगु दु ।

थीथी सञ्चार माध्यमय् थम्हं पशुपति प्रदेशया वकालत यात धकाः पिहां वयाच्वंगु समाचारया खण्डन यासें वय्कः फुसा थ्व प्रदेशया नां ‘नेवाः–ताम्सालिङ’ प्रदेश हे तयेमाः धइगु पक्षय् खः, मखुसा नेपालमण्डल प्रदेश तयेमाः धइगु लाइनय् स्पष्ट दुगु खँ ‘नेपालभाषा टाइम्स’ यात कनादिल । थुकिया लागिं थः सक्रिय समेत जुयाच्वनागु खँ नं वय्कलं कनादिल ।