किपू नपायात लुमन्ति आवासपाखें ग्वाहालि

किपू – किपू नगरपालिकायात स्वास्थ्य, सरसफाइ व स्वच्छता हलंज्वलं लःल्हाःगु दु । नगरपालिकायात लुमन्ति आवासको लागि सहयोग समूह नांया संस्थां उकथंया हलंज्वलं लःल्हाःगु खः ।

किपू नगरपालिकाया भवनय् वंगु मंगलवाः नगर प्रमुख रमेश महर्जनयात संस्थाया बास व्यवस्थापक उद्धव भट्टराईं उगु हलंज्वलं लःल्हानादीगु खः । किपू नगरपालिकां संचालन यानाच्वंगु आइसोलेसन सेन्टरयात थप प्रभावकारी यायेगु ल्याखं उगु हलंज्वलं लःल्हाःगु खः ।

कोरोना भाइरस (कोभिड–१९)या निगूगु लहरलिसें थप लहरं किपू देशय् लाके फुगु प्रभावयात ध्यानय् तयाः नगरपालिकां संचालन याःगु सेन्टरयात थप प्रभावकारी यायेगु ल्याखं स्वास्थ्य सामग्री नगरपालिकायात लःल्हानागु संस्थां न्ह्यथंगु दु ।

बेलायतया फ्र्यान्क वाटर प्रोजेक्टया आर्थिक ग्वाहालिइ किपू नगरपालिका व संस्थाया साझेदारीइ कोरोनापाखें प्रभावित व्यक्ति, छेँजःलिसें नगरपालिकापाखें संचालन जुयाच्वंगु आइसोलेसन सेन्टरया निंतिं लःल्हाःगु स्वास्थ्य व थीथी हलंज्वलनय् डिजिटल थर्मोमिटर, पीपीई, फेसशिल्ड, ह्याण्ड सानिटाइजर, सर्जिकल मास्क , म्वःल्हुइगु साब्वं, ल्हाः सिलेगु साब्वं, वसः हिइगु साब्वं, टुथपेस्ट, टुथब्रस, लुसि चायेगु (नेलकटर), लिक्विड ह्याण्डवास, वाटर डिस्पेन्सर, स्टिल थर्मस, पल्स अक्सिमिटर, रुमाल आदि खः ।

 

सम्बन्धित बुखँ

LEAVE YOUR COMMENTS