जैशिदेवल तेक्वाण्डो दोजाबं दसिपौ लःल्हात

येँ (नेपालभाषा टाइम्स) – जैशिदेवल युथ क्लबपाखें न्ह्याकाच्वंगु जैशिदेवल तेक्वाण्डो दोजाङय् प्रशिक्षित तेक्वाण्डो कासामिपिंत छगू ज्याझ्वःया दथुइ दसिपौ लःल्हायेगु ज्या जुल । दछि न्ह्यःनिसें प्रशिक्षण बिया वयाच्वंगु थुगु दोजाङय् थ्यंमथ्यं ७५ म्ह कासामिपिंत अन्तर्राष्ट्रिय रेफ्रि, ७ डान राजेश प्रजापति व ब्ल्याकबेल्ट अंकित राईपाखें न्हियान्हिथं प्रशिक्षण बियाच्वंगु खः । प्रशिक्षण, कासा व कासामिया अवस्था स्वयाः स्वला, खुला अवधिइ ग्रेडिङ ज्याझ्वः संचालन जूगु खःसा वंगु २४ गते जुनियर ग्रेडिङय् दसिपौ लःल्हायेगु ज्याझ्वः जूगु खः ।