भ्रमण दलय् उद्योग वाणिज्य महासंघया प्रतिनिधि

येँ – प्रधानमन्त्री केपी ओलीया चीन भ्रमणय् नेपाल उद्योग वाणिज्य महासंघया फुक्कं पदाधिकारी ब्वति काःगु दु ।महासंघया अध्यक्ष भवानी राणा, वरिष्ठ उपाध्यक्ष शेखर गोल्छा, जिल्ला नगरया उपाध्यक्ष किशोर प्रधान, वस्तुगत संघया उपाध्यक्ष उमेशलाल श्रेष्ठ, एसोसियटपाखेया उपाध्यक्ष चन्द्र ढकाल व कोषाध्यक्ष ज्ञानेन्द्रलाल प्रधान चीन थ्यंगु खः ।

अथेहे महासंघया निवर्तमान अध्यक्ष पशुपति मुरारका, पुलांम्ह अध्यक्ष व विशिष्ट सदस्य चण्डीराज ढकाल नं वंगु दु । महासंघया प्रतिनिधि मण्डलय् कार्यकारिणी समिति सदस्यपिं ज्योत्सना श्रेष्ठ, प्रवलजंग पाण्डे, स्वतन्त्र ऊर्जा उत्पादक संघ –आइपान) या अध्यक्ष शैलेन्द्र गुरागाईं व महासंघया निमित्त महानिर्देशक गोपालप्रसाद तिवारी नं प्रतिनिधि मण्डलय् दुथ्याःगु दु ।

चीन भ्रमणया झ्वलय् महासंघया प्रतिनिधि मण्डल व्यावसायिक भेटघाट लिसें अनया व्यवसायीया लिसें व्यापारिक व लगानीया बारे नं सहलह जुइगु खँ धाःगु दु ।

सम्बन्धित बुखँ

LEAVE YOUR COMMENTS