गुरुयोजना विरुद्ध पशुपतिइ प्रर्दशन

येँ – पशुपति क्षेत्र विकास कोषं तयार याःगु गुरुयोजनाया विरोध यासें म्हिगः स्थानीय जनतां प्रदर्शन याःगु दु। पशुपतिया प्राचीनता न्हंकेगु कथं गुरुयोजना तयार याःगु धासें म्हिगः स्थानीय जनतां प्रदर्शन याःगु खः । पशुपति क्षेत्र विकासया नामय् परापूर्वकालंनिसें च्वना वयाच्वंगु बस्ती हे न्हंकेगु व स्थानीय संस्कृति व लिसे जात्राया विनास यायेगु कथं गुरु योजना हःगु द्वपं स्थानीय जनतां बिउगु दु। कोषं हःगु गुरुयोजनां स्थानीय धार्मिक, सामाजिक, सांस्कृति सम्पदा नष्ट याइगु जूगुलिं उकियात ल्यंकेगु नितिं गुरुयोजना खारेज यायेगमाःगु माग यासें स्थानीय जनता आन्दोलनय् कुहां वःगु खः । पशुपति क्षेत्र विकास कोषं वंगु साउन महिनाय् सिफल तक बस्ती खाली यायेगु प्रस्ताव यासें संशोधित गुरुयोजना मन्त्रालय छ्वःगु खः ।