बाबरी मस्जिद ध्वस्त याःगु द्वपं लाःपिं नेतातय्त सफाइ

एजेन्सी – भारतया छगू अदालतं अयोध्याया बाबरी मस्जिद ध्वस्त याःगु मुद्दाय् सत्तारुढ भारतीय जनता पार्टी (भाजपा)या तःधंपिं नेतात सकसितं सफाइ बिउगु दु ।

सन् १९९२ य् हिन्दूतय् भिडं उगु मस्जिद थुनाबिउगु घटनाय् उमिसं छुं गलत ज्या मयाःगु धासें अदालतं सफाइ बिउगु खः । पुलांम्ह उपप्रधानमन्त्री लालकृष्ण आडवाणी व भाजपा नेता मुर ली मनोहर जोशी, उमा भारतीं अयोध्याय् झिंखुगूगु शदीइ दये कूगु बाबरी मस्जिद थुनेत हिन्दू अतिवादीतय्त उक्से याःगु धकाः बियातःगु द्वपंयात अस्वीकार याना वयाच्वंगु खः । थ्व घटना लिपा जूगु साम्प्रदायिक दंगाय् निद्वलं मल्याक मनूतय् ज्यान वंगु खः । अले थ्व हे ई भारतय् हिन्दू दक्षिणपन्थी राजनीतिया उदय जुइत छगू महत्वपूर्ण ई नं जुयाबिउगु खः ।

बुधवाः वःगु फैसलाय् ४९ म्ह आरोपित मध्ये ३२ म्हे सित सफाइ बिउगु खः । मेपिं झिंन्हय्म्ह धाःसा मुद्दाया फैसला वये न्ह्यः हे मदयेधुंकूगु खः । अदालतं बाबरी मस्जिद थुने गु योजना दयेकूगु पुष्टि याइगु गाक्क प्रमाण मदुगु धासें थज्याःगु फैसला न्यंकूगु खः । हिन्दूतय्सं उगु मस्जिद भगवान रामया जन्मस्थलय् दयेकूगु धकाः दावी याना वयाच्वंगु दु । थगुने सर्वोच्च अदालतं दशकौं तकया विवाद क्वचायेकेगु झ्वलय् थ्व थाय् हिन्दूतय्गु हे जूगु फैसला न्यंकूगु खः ।