म्यान सिटीया लज्जास्पद पराजय

एजेन्सी – इंग्लिश प्रिमियर लिग फुटबलय् म्यानचेष्ट सिटीं बांमलाक पराजय फःगु दु। म्यान सिटी थःगु हे घरेलु मैदान इत्तिहादय् लेस्टर सिटीलिसें ५-२ गोल अन्तरं पराजित जूगु खः ।

म्यान सिटीं थःगु हे घरेलु मैदानय् ५ गोलया सामना याःगु थ्व न्हापांखुसी खः। म्यानसिटीयात लज्जास्पदं रुपं पराजित यायेगु झ्वलय् लेस्टरया जिमी भार्डीं निगू पेनाल्टीया ग्वाहालिं ह्याट्रिक याःगु खः । सिजनया न्हापांगु कासा म्हिताच्वंगु म्यान सिटीं भार्डीया ह्याट्रिकलिसें लज्जास्पल पराजय फयेत बाध्य जुल ।

लेस्टरया निंतिं भार्डीं कासाया ३७ औं मिनेटय् न्हापांगु गोलयाःगु खःसा वयां लिपा निगूगु हाफया ५३ व ५८ औं मिनेटय् पेनाल्टीपाखें ह्याट्रिक पूवंकूगु खः । वयागु निंतिं जेम्स म्याडिसन व योरी टेलेम्यान्सं छगू छगू गोल याःगु खः । उखे पराजित म्यान सिटीया निंतिं रियाल मेहराजं प्यंगूगू मिनेट हे गोल यानाः खाता चयेकूगु खःसा थप छगू गोल नथान एइकें ८४ औं मिनेटय् याःगु खः ।

सम्बन्धित बुखँ

LEAVE YOUR COMMENTS