लक्षण खने मदुसा परीक्षण यायेमते

येँ (नेपालभाषा टाइम्स) – सरकारं शंकाया भरय् कोरोना परीक्षण मयायेत इनाप याःगु दु। यात्रा यानाः लिहां वयेवं शंकाया भरय् कोरोना परीक्षण मयायेत सरकारं सकसितं इनाप याःगु खः ।

यात्रा यानाः वःगु बाःछिया दुने गुगुंकथंया लक्षण खने मदुसा कोरोना परीक्षण मयायेत सरकारं इनाप याःगु खः । स्वास्थ्य मन्त्रालयं संक्रमित जूम्ह व्यक्तिया प्रत्यक्ष सम्पर्कय् वःगु न्यान्हुया दुने परीक्षण याकेबलय् थःत संक्रमण जूगु दु वा मदु सीके फइमखु, तर यात्रा यानाः लिहां वयेवं हथासं कोरोना परीक्षण मयायेत इनाप याःगु खः । मन्त्रालयं यात्रा हे यायेमाःसां नं तसकं आवश्यक जूसा जक यायेत व यात्राया इलय् क्वःछिना तःगु स्वास्थ्य सुरक्षा मापदण्ड पूर्ण रुपं पालना यानाः जक यात्रा यायेत नं धाःगु दु ।

अथे हे यात्रा यानाः लिहां वःम्ह व्यक्ति बाःछितक क्वारेन्टाइनय् च्वनेत धासें लक्षण खने दुसा स्थानीय सरकारयात जानकारी बीत नं मन्त्रालयं इनाप याःगु दु ।