ने. सं. ११४४ कछलागा अष्टमी - भैरवाष्टमी

लानिपुखू दयेकेगु जिम्मा सेनायात ?

येँ – येँया लानिपुखू आः नेपाली सेनायात दयेके बीगु चर्चा सुरु जूगु दु । थुकिया लागिं येँ मनपाया मेयर व सेनाया दुथइ सम्झौता जुल धइगु हुइनाभुइना वःसां उकिया पुष्टि धाःसा जुइ मफुनि । उपमेयर व कार्यकारी अधिकारीं तकं उकिया जानकारी थःपिंके मदु धकाः लिसः बियाच्वंगु खँ सूत्रं धाःगु दु ।

मेगु छगू सूत्रं धाःसा सेना व मेयरया दथुइ थ्व सम्बन्धी चर्चा जूसां ठोस निर्णय धाःसा जूगु मदुनि । लानिपुखू दयेकेगु झ्वलय् आपालं विवाद वयाच्वंगुलिं मनपां थुकिया निर्माण यायेगु जिम्मा सेनायात बीगु मनःस्थिति दयेकाच्वंगु खः ।