हवाई सेवा संचालनलिसें भ्रमण प्याकेज

येँ (नेपालभाषा टाइम्स) – देशय् करिब खुला लिपा वंगु असोज ५ गतेनिसें हवाई सेवा संचालन जूगु दु। हवाई सेवा संचालनलिसें वायुसेवा प्रदायक कम्पनीतय्सं भ्रमण प्याकेजया नं घोषणा याःगु दु। वायुसेवा प्रदायक कम्पनीं भ्रमण प्याकेज घोषणा याःगु जक मखु प्रतिस्पर्धातकं जुयाच्वंगु दु। झण्डै खुला लिपा शुरु जूगु हवाई उडानय् आन्तरिक यात्रुतय्त आकर्षित यायेत वायुसेवा कम्पनीतय्सं दंकं भ्रमण प्याकेज व थीथी कथंया अफरतकं घोषणा याना हःगु दु ।

थुकथं प्याकेज घोषणा याःगुलिइ नेपाःया निजी ख्यःया निगू वायुसेवा कम्पनी दथुइ प्रतिस्पर्धा हे जूगु दु। बुद्ध एअर व यती एअरलाइन्सं थुकथं प्याकेज घोषणा याःगु खःसा बुद्ध एअरं लछि न्ह्यःहे आकर्षक पर्यटकीय प्याकेज घोषणा यानाः बजारीकरण तकं यायेधुंकूगु दु ।

उखे मेगु तःधंगु वायुसेवा प्रदायक कम्पननी यती एअरलाइन्सं नं थःगु २२ औं वार्षिकोत्सवया लसताय लाकाः छगू पत्रकार सम्मेलन हे यानाः दंकं प्याकेज भूमणया घोषणा याःगु खः ।