झापाय् कुलमान चोक !

येँ (नेपालभाषा टाइम्स) – लोडसेडिङ अन्त्य यानाः चर्चाय् वःम्ह कुलमान घिसिङ नेपाल विद्युत प्राधिकरणं बर्हिगमन जुइधुंकाः नं चर्चाय् धाःसा वया हे च्वंगु दु ।

थ्वहे झ्वलय् देय्या थीथी राजमार्गय् घिसिङया फोटो दुगु साइनबोर्ड तयेगु ज्या न्ह्याका हःगु दुसा झापाय् ला छगू चोकया नां हे ‘कुलमान चोक’ धकाः नामाकरण याःगु दु। नेपाल यातायात व्यवसायी राष्ट्रिय महासंघया उपाध्यक्ष ऐनकुमार शाहीं राजमार्गय् तयातःगु फोटोखिचे यानाः सामाजिक सञ्जालय् तसें च्वयाहःगु दु, ‘मखु हाइवेलय् राष्ट्रपति व प्रधानमन्त्रीया किपा ब्वयातये माःगु मखुला ? तर कुलमानया किपा जकं तया तल ।’

कुलमानयात हानं पुनर्वहाली यायेमाः धकाः येँ लगायत थीथी जिल्लाय् प्रदर्शन समेत जुयाच्वंगु दु ।