पशुपति चायेकीगु

येँ (नेपालभाषा टाइम्स) – विश्वय् अप्वया वंगु कोरोना भाइरसया संक्रमणया कारणं चैत्र ७ गतेनिसें बन्द यानातःगु पशुपति देगः चायेकेगु तयारी पशुपति विकास कोषं याःगु दु। कोषं स्वास्थ्य सुरक्षा मापदण्ड नालाः देगः चायेकेगु तयारी याःगु खः । कोषं दर्शनार्थीत फुक्कसित स्वास्थ्य सुरक्षा मापदण्ड पालना याकाः निगू निगू मिटरया भौतिक दूरी कायम याकाः द्यः दर्शन याकेगु व्यवस्था यायेत्यंगु खः । कोषया कथं न्हापा थें फुक्कं लुखा मचायेकुसे छगू जक लुखा चायेकाः दर्शन याकेगु जुइ । आः याःगु तयारी कथं पश्चिमद्वार भुवनेश्वरी दुहां वनेधुंकाः तप्यंक पिहां वनेगु कथं जक दर्शन याये दइ । देगलय् दुहां वनेधुंकाः देगः पूवंक चाःहिले दइमखु। सरकारयां निर्देशन कथं देगः चायेकेगु तयारी जुयाच्वंगु दु। देगः चायेकूसां न्हापा थें विशेष पुजा धाःसा जुइ मखु ।