नेवाः अर्गनाइजेशन अफ अमेरिकाया तःमुँज्या क्वचाल

येँ- नेवाः अर्गनाइजेशन अफ अमेरिकाया १९ क्वःगु तःमुँज्या जूम सफ्टवेरपाखें भर्चुअल रुपं सोमवाः क्वचाःगु दु ।

यज्ञ मान शाक्यया नायःसुइ दिवाकर धौभदेल न्ह्याकादीगु ज्याझ्वलय् नेपाःयापाखें अमेरिकाया नितिं नेपाली राजदुत डा. अर्जुन कुमार कार्की मूपाहाँ कथं झायादीगु खः ।
उअर्गनाइजेशनं नेपालभाषां न्ह्याकादीगु खं थःत प्रभावित याःगु खँ कनादिसे थथे नेपालभाषं ज्याझ्वः न्ह्याकल धाःसा थःपिनिगु न्हूगु पुस्ता ल्याम्हतय्सं सयेकाः भाषा संरक्षण यायेत तिबःजुइगु खँ कनादिल । नेपाःया संस्कृति–संस्कार अमेरिकाय् नं न्ह्यब्या म्हसीका बियाच्वंगु च्वछाये बहःगु खँ कानादिल दकले अप्व संगठित–सकृय–सचेत नापं थःपिनिगु भाषा, संस्कृति, परम्परायात म्वाकातयेमाः धका जुयाच्वंगु संगठन दुतावासपाखें खंका च्वंगु नां काये मालधाःसा नेवाः अर्गनाइजेशन अफ अमेरिका जूगु खँ कनादिल ।

अर्गनाइजेशनया वार्षिक प्रतिवेदन महेन्द्र प्रधान, आर्थिक प्रतिवेदन राजेश श्रेष्ठ, नेपालय् जुयाच्वंगु गतिविधि बारे नेपाः देय् कजि किरण केन रञ्जितं कनादिलसा नेवाः सभ्यता व क्वारिटिनया बारे WNO या नायः सिजन श्रेष्ठं कीनोट न्वचू तयादीगु खः ।

दया रत्न शाक्यया नायःसुइ रत्न काजी शाक्य व राम लाल श्रेष्ठ स्वम्हसिगु पुचलं न्हूगु ज्यासना पुचः न्ह्यब्वयादीगु दु । यज्ञ मान शाक्यया नायः, महेन्द्र प्रधान मून्वकू, राजेश लाल श्रेष्ठ न्वकू, छ्याञ्जे उदय श्रेष्ठ, दांभरिं दिवाकर धौभदेल, ल्यू छ्याञ्जे बबीता श्रेष्ठ, दुजः कथं नविन रञ्जित, सुगन्ध श्रेष्ठ, मर्कन्देय मान प्रधानपिं दुथ्यागु न्हूगु पुचः नीस्वंगु दुु ।