ख्वपय् सार्वजनिक यातायात बन्द

ख्वप (नेपालभाषा टाइम्स) – ख्वप नगरपालिकां थ्व हे भदौ १५ गते तक सार्वजनिक यातायात संचालन बन्द यायेगु निर्णय याःगु दु । नगरपालिकां नगर क्षेत्र दुने संचालन जुइगु सार्वजनिक यातायात बन्द यायेगु निर्णय याःगु खः । ख्वप नगरपालिकाया प्रमुख सुनिल प्रजापतिया अध्यक्षताय् नगर दुने संचालन जुइगु यातायात व्यवसायी प्रतिनिधिसहितया बैठकं उगु निर्णय याःगु खः । नेपालय् कोरोना भाइरसया संक्रमण तीव्र रुपं न्यना वनाच्वंगु अवस्थाय् स्वनिगः व ख्वपय् नं संक्रमित उकथं हे अप्वया वनाच्वंगुयात ध्यानय् तयाः उगु निर्णय याःगु खः ।