प्रा. प्रेमशान्ति तुलाधरया जहान मंत

येँ (नेपालभाषा टाइम्स) – साहित्यकार प्रा. प्रेमशान्ति तुलाधरया जहान भाजु अकलमान तुलाधर थौं आइतवाः मंत । वंगु ताःई न्ह्यवंनिसें उसाँय् मदयाः वय्कः गबलें अस्पतालय् व गबलें छेँय् हे च्वनाः वासः याकाच्वनादीगु खः । वय्कः ७७ दँ दुम्ह खः । समाजसेवाय् नं नुगः क्वसाःम्ह भाजु तुलाधर नेपालभाषाया सेवाय् नं संलग्न जुयादी । आइतवाः हे थनया कर्णदिपय् वय्कःया अन्तिम संस्कार क्वचाल । वय्कःपिनि निम्ह काय व छम्ह म्ह्याय् दी ।