शताब्दीपुरुष जोशीयात अक्सिजन कन्सन्ट्रेटर ग्वाहालि

यल- वल्र्ड नेवाः अर्गनाइजेसन नेपाः च्याप्टरपाखें वाङ्मय शताब्दीपुरुष सत्यमोहन जोशीयात अक्सिजन कन्सन्ट्रेटर लःल्हाःगु दु । नेपाः च्याप्टरया पदाधिकारीपिं शताब्दीपुरुष जोशीया छेँय् वनाः अक्सिजन कन्सन्ट्रेटर लःल्हाःगु खः ।

शताब्दीपुरुष जोशीं थःत स्वास्थ्य सामग्री ग्वाहालि याःगु धासें नेपाः च्याप्टर व अक्सिजन कन्सन्ट्रेटर ग्वाहालि याःगु आयरल्याण्ड नेपाल समाजयात सुभाय् देछानादीगु खः । उगु इलय् नेपाः च्याप्टरया नायः शाक्य सुरेन, पुलांम्ह मन्त्री कल्पना धमला, डा. सुमित्रा मानन्धर गुरुङ, अजरमान जोशीलिसें नेपाः च्याप्टरया पदाधिकारपिनिगु उपस्थिति दुगु खः । उगु अक्सिजन कन्सन्ट्रेटर आयरल्याण्डय् च्वना वयाच्वनादीम्ह भाषासेवी भाजु दीपेशरत्न शाक्यं ग्वाहालि यनादीगु खः ।