टेलिकमय् लकडाउनया इलय् नं जरिवाना

येँ (नेपालभाषा टाइम्स) – कोरोना संक्रमण पनेगु नामय् सरकारं निला तक मनूतय्त छेँनं पिहां हे वये मजीक लकडाउन तया बिउसां नेपाल टेलिकमं धाःसा लकडाउन अवधिया नं जरिवाना काःगु दु । लकडाउनया इलय् टेलिफोनया शुल्क पूमवः धकाः टेलिकमं थ्व जरिवाना पुइकूगु खः । लकडाउन क्वचायेकाः टेलिकमया ज्याकुथी वनाः शुल्क पूवंपिं ग्राहकत लकडाउन अवधिया जरिवाना काःगु खनाः अजूचाःगु खः ।

ध्यबा पूवंपिं छुं ग्राहकतय्सं लकडाउन धकाः सरकारं पिहां वयेगु अनुमति हे मबिउसा गय् यानाः ध्यबा पू वयेगु धकाः न्ह्यसः तःबलय्क र्मचारीतय्सं ‘व जिमिसं मसिउ, जिमिगु सिष्टमं जरिवाना क्यंगुलिं पुले हे माः’ धकाः लिसः बिउगु खः । टेलिफोन ग्राहकतय्सं लकडाउनयात सर्वोच्च अदातलं हे ‘शुन्य समय’ धकाः व्याख्या यायेधुंकूगुलिं थ्व अवधिया जरिवाना काये मदयेमाःगु माग याःगु दु ।