मतयाः व ब्वगी जात्रा चीधंक न्ह्याकीगु

येँ (नेपालभाषा टाइम्स) – यलया ऐतिहासिक ब्वगी व मतयाः जात्रा चिधंक जूसां संचालन याइगु जूगु दु। मतयाः पाःलाःगु न्यकू जात्रा संचालन समिति ओकुबहाल क्षेत्र नं. ७ पाखें छुं न्हि न्ह्यव कोरोना संक्रमणया जोखिम दुगुलिं थुगुसी मतयाः व ब्वगी जात्रा संचालन मयायेगु खँ धाःगु खःसां न्यकू जात्रा मतया केन्द्रीय व्यवस्थापन समिति व पाःलाःगु समिति दथुइ सहलह यानाः आः चिधंक जक जूसां जात्रा संचालन यायेगु क्वःछिउगु खः । थ्व हे निर्णय कथं मंगलवाः निसें ब्वगी जात्रा नं न्ह्याकेधुंकूगु दु ।

आःया निर्णय कथं ब्वगी जात्रा, मतयाः, स्वयम्भू व बुंगमति वनेगु व पाःब्व लःल्हायेगु ज्या जात्राया पाःलाःपिं, गुरु पुरोहितपिं व सीमित दुजःपिं जक च्वनाः न्ह्याकेगु क्वःछिउगु खः । आः साउन २१ गते जुइगु मतयाः कुन्हु पाःलाःपिं, गुरु, पुरोहितपिं व सीमित दुजःपिं जक मतयाः वनेगु खँ न्यकू जात्रा मतयाः केन्द्रीय व्यवस्था समितिया अध्यक्ष आशारत्न शाक्यं धयादीगु दु ।

समितिया पाखें म्हिगः छगू वक्तव्य पिथँसें विश्वया लिसें नेपालय् नं न्यनाच्वंगु कोभिड–१९या कारणं सरकारं लकडाउन यानातःगुलिं जात्रा, महोत्सव जमघत मयायेगु नियमत पालना यानाः सामाजिक दुरि व दुजःपिं म्हो जक वनाः यलया प्यंगः थूर बहाःबही व झिगू क्षेत्रया मू चैत्य जक कयाः ब्वगी वनेगु, मतयाः वनेगु, बुङ्ग व स्वयम्भू वनेगु व गणेश पूजा यायेगु नापं पाःब्व लःल्हाय्गु सकतां ज्याझ्वः यायेगु खँ धाःगु खः ।

सम्बन्धित बुखँ

LEAVE YOUR COMMENTS