संक्रमित पाइलटत हाकनं सोल्टीइ

येँ (नेपालभाषा टाइम्स) – कोरोना संक्रमण पुष्टि जूपिं नेपाल वायुसेवा निगमया कर्मचारीतय्त अस्पतालं होटलय् तयेयंकूगु दु। ह्याम्स अस्पतालय् च्वनाच्वंपिं कोराना संक्रमित कर्मचारीपिंत अस्पतालय् तयातयेगु शुल्क थिके जूगु धासें हाकनं सोल्टी होटलय् तये यंकूगु खः ।

निगमया स्वम्ह पाइलट सहित झिंप्यम्ह क्रु मेम्बरयात कारोना संक्रमण पुष्टि जूगु खः । ह्याम्स अस्पतालय् छम्हेसिया न्हिं ३१००० तका पुलेमालेवं निगमं उमित होटलय् हे तये यंकूगु खः । अस्पतालया शुल्क हे न्हिं ४,३४,००० हजार तका पुलेमालेवं निगमं थः कर्मचारीतय्त होटलय् तयेयंकूगु खः ।

चार्टर्ड उडान याना वयाच्वंपिं पाइलट व क्रु मेम्बरत सोल्टी होटलय् हे क्वारेन्टाइनय् च्वनेगु यानाच्वंगु खः । उमित संक्रमण पुष्टि जुइवं बलम्बुइ च्वंगु सशस्त्र प्रहरी बलया अस्पतालय् यंकूगु खः । तर अन तसकं फोहरगु क्वथाय् तयाः त्वतेगु लः तकं बांलाक मबिसे बेवास्ता याःगुलिं उपिं अनं पिहां वनाः ह्याम्पस अस्पतालय् च्वंवंगु खः ।

आः स्वास्थ्य तथा जनसंख्या मन्त्रालयया स्वीकृति कायाः निगमं कर्मचारीपिंत हाकनं होटलय् यंकूगु खः ।

सम्बन्धित बुखँ

LEAVE YOUR COMMENTS