ने. सं. ११४६ बछलागा तृतीया -

मास्क मतसे पिहां वःपिंत ज्वनीगु

येँ (नेपालभाषा टाइम्स) – मास्क मतसे पिहां वइपिंत प्रहरीं ज्वनाः कारवाही याइगु जूगु दु। गृह मन्त्रालयं मास्क मतसे पिहां वइपिंत ज्वनेत प्रहरी प्रधानकार्यालययात म्हिगः निर्देशन बिउगु खः ।

थ्व निर्देशन कथं आवंलि मास्क मतःसे पिहां वइपिंत ज्वनाः संक्रमण रोग ऐन २०२० कथं कारबाही याइ । कोरोना संक्रमणया ग्याः चिकू आः नं दनिगु व लकडाउन पूर्ण रुपं मचाःनिगु व व्यवस्थित जक यानागु सरकारया धापू दु। माःगु ज्याय् बाहेक छेँ नं पिहां मवयेत, छेँ नं पिहां वयेमाःसां अनिवार्य माक्स तया वयेत, छम्हं मेम्हसिया दथुइ निगू मिटर सामाजिक दुरी कायम यायेतमन्त्रालयं हाकनं इनापयाःगु दु। स्वनिगःया आपालं मनूत लकडाउनया इलय् नं माक्स मतसे पिहां वयाच्वंगुलिं थज्याःगु निर्देशन बीमाःगु खँ गृह मन्त्रालय धाःगु दु ।