ने. सं. ११४६ अनलाथ्व पुन्हि -

सोल्टी होटल सिल

येँ (नेपालभाषा टाइम्स) – प्रहरीं पाँचतारे होटल सोल्टीयात ‘सिल’ याःगु दु। होटलय् क्वारेन्टाइनय् च्वनाच्वंपिं नेपाल एयरलाइन्सया स्वम्ह पाइलट व प्यम्ह कर्मचारीयाके कोरोना भाइरस संक्रमण खनेदयेवं सोल्टी होटल ‘सिल’ यानागु खँ महानगरीय प्रहरी वृत्त कालीमाटीं धाःगु दु ।

प्रहरीया कथं होटलय् वये वनेगु ज्या बन्द यायेधुंकूगु दुसा होटल दुने आः नं खुइम्ह मनूत च्वनाच्वंगु दु। प्रहरीया कथं होटलय् च्वनाच्वंपिं न्हय् म्हेसिके संक्रमणखनेदुगु दुसा मेपिं न्हय् म्हेसिया स्वाब परीक्षणया निंतिं छ्वःगु दु ।

नेपाल एयर लाइन्सं थुगु घटनां थःगु उडान प्रभावित मजुइगु खँ धाःगु दु। संक्रमितपिंत होटलया क्वथाय् ‘आइसोलेस’ यानाः तयातःगु दु ।