लिभरपुल त्यात, सिटी बुत

लन्डन (एजेन्सी) – इंग्लिस प्रिमियर लिगय् आइतवास् लिभरपुलं एस्टन भिल्लायात एनफिल्डलय् २-० बुकल । थःगु घरेलु मैदानय् लिभरपुलया थ्व शतप्रतिशत प्रदर्शन खः । थ्व सिजनय् लिभरपुलं एनफिल्डय् म्हितूगु लिगया १७ कासामध्ये १७ हे तुं त्यास्गु दु ।

भिल्लाविरुद्धया जितय् धाःसा साडियो माने व कर्टिस जोन्सं गोल यात । आइतवास्या मेगु कासाय् निगूगु थासय् च्वंगु म्यानचेस्टर सिटी साउथह्याम्पटनया ल्हातं १-० बुत ।

साउह्थयाम्पटनया नितिं छगूयां छगू गोल चे एडम्सं याःगु खः । थ्व कासा त्यायेवं साउथह्याम्पटन गणितीय ल्याखं प्रिमियर लिगय् कायम जुइगु निश्चित जूगु दु । मेखे सिटीया धाःसा थ्व सिजनया गुंगूगु हार खः ।

स्पेन
म्याड्रिड – स्पेनी ला लिगाय् बार्सिलोनां आइतवाः भिल्लारियलयात ४-१ बुकल । थ्व कासा त्यायेवं बार्सिलोनां शीर्ष थासय् च्वंगु रियल म्याड्रिडनापया दूरी प्यंगु ल्याखय् क्वकाःगु दु ।

थ्वयां न्ह्यः रियलं एथलेटिको बिलबाओयात १-० बुकूगु खः ।