मेसीया ७०० गोल, तर बार्सिलोना बराबरीइ

म्याड्रिड (एजेन्सी) – लियोनल मेसीं मंगलवा: बार्सिलोनाया नितिं थ:गु ७०० गु गोल यात, तर थ:गु टिमयात त्याके धा:सा मफुत । स्पेनी ला लिगाय् बार्सिलोना क्याम्प न्युखय् एटलेटिको म्याड्रिड नाप २-२ या बराबरी म्हितल । थ्व लिच्व:या कारणं बार्सिलोनाया उपाधि सम्भावना कमजोर जूगु दु । आ: यिल म्याड्रिडं बुधवा: गेटाफेयात बुका: शीर्ष स्थानय् प्यंगु ल्या:या अग्रता कायेफइ ।

इंग्ल्यान्ड
लन्डन – पोर्चुगाली कासामि ब्रुनो फर्नान्डेसया निगू गोलया ग्वाहालिं म्यानचेस्टर युनाइटेडं मगलवा: ब्राइटनयात ३-० बुकल । थ्व कासा त्यायेवं म्यानचेस्टर लिग धलखय् न्यागूगु थासय् थ्यंगु दु । मेगु सिजन प्रतिबन्धया कारण निगूगु थासय् च्वंगु म्यानचेस्ट सिटीं युरोपय् म्हितिगु सम्भावना कम जुगुलिं थ्व पालय् न्यागूगु थासय् ला:गु टिमया नं च्याम्पियन्स लिग म्हितिगु सम्भावना दु ।

इटाली
मिलान – युभेन्ट्सं इटालीया सिरी ए मंगलवा: जेनोआयात ३-१ बुकल व लिगया शीर्ष स्थानय् प्यंगु ल्या:या अग्रता काल । युभेन्ट्सया नितिं पउल डेबेला, क्रिस्टियानो रोनाल्डो व डगलस कोस्टां गोल या:गु ख: । युभेन्ट्सया ७२ ल्या: जूगु दु । मंगलवा:या मेगु कासाय् निगूगु थासय् च्वंगु लाजियों टुरिनयात २-१ बुकल ।

सम्बन्धित बुखँ

LEAVE YOUR COMMENTS