बार्सिलोनाय् कमजोरी व निराशा

म्याड्रिड (एजेन्सी) – स्पेनी ला लिगाया उपाधि होडय् बार्सिलोनाया दावेदारी अझ कमजोर जूगु दु । बार्सिलोनां शनिवा: बहनि सेल्टा भिगोनाप २-२ या बराबरी म्हितल व थुकि टिमदुने निराशा ब्वलंगु दु ।

बार्सिलोनाया नितिं निगुलिं गोल लुइस स्वारेजं या:गु ख: । कासा लिपा मिडियानाप खँ ल्हासें वं नं टिमया लगातार खराव प्रदर्शनय् निराशा प्वंकुसें थुकिइ तत्काल सुधार आवश्यक जूगु धा:गु दु ।

सेल्टा भिगोविरुद्ध बार्सिलोनां निक्व: तक अग्रता कया: नं कासा त्याकेमफूगु ख: । सेल्टा भिगोपाखें फेडेरर स्मालोभ व इगो आसपसं गोल यात । कासा क्वचायेत निगू मिनेट न्हय: आसपसं फ्रि किकं गोल या:गु ख: ।

थ्व कासा न्ह्य: रियल म्याड्रिड हेड टु हेडया ल्याखं बार्सिलोनासिबें च्वये लाना च्वंगु ख: । आ: रियलं आइतवा: इस्पनयोलयात बुकल धा:सा निगू ल्या:या स्पष्ट अग्रता कायेफइ ।

सम्बन्धित बुखँ

LEAVE YOUR COMMENTS