ब्रेमनयात रेलिगेसनया दबाब

बर्लिन (एजेन्सी) – जर्मन बुंडेसलिगाय् आइतबार बहनि भेरडाआ ब्रेमन वोल्फ्सबर्गनाप १-० पराजित जुल । थ्व कासा बुइवं ब्रेमन थुगुसी रेलिगेसन लाइगु सम्भावना अझ अप्व:गु दु । ओल्फ्सबर्गया नितिं डच कासामि वट वेगरस्टं निर्णायक गोल यात । लिगय् प्यंगु चरणया कासा त ल्यं दनि । ब्रेमन लिग धलखय् लिखतं निगूगु थासय् दु व सुरक्षित थासं खुगू ल्या: ल्युने दु । थुकि सन् १९८० लिपा दकलय् न्हापा ब्रेमन रेलिगेसन लाइगु सम्भावना ब्वलंगु ख: । आइतवा: या मेगु निगू कासाय् युनियन बर्लिन व साल्के, अले आउग्सबर्ग व कोल्नं समान १-१ या बराबरी म्हितल ।